إهداء من أخوك الشاعر الشريف حمد آل يوسف العبدلي (الهاجس)  

سلامي لابوسلطان مالاح برّاق
زاهر خوي الطيب والطيب فاله

عداد مامزنً تناشا بالآفاق
واعداد خلق الكون في كل حاله

له منزلً في وسط قلبي والاعماق
وكلاً على ماقيل يفخر بخاله

زاهر ولد خالي وللطيب سبّاق
راعي الكرم والجود يسخىٰ بماله

مني لراعي الطيب ابيات تنساق
لك ياابن خالي والوفا بالوفا له

عز الله انك طيب القلب وأخلاق
وكل العلوم الطيبه والجزاله

شيخً على فعل المراجل گالإشراق
اشراق شمس الجود راعي الشكاله

زاهر عقيد القوم من دون اوراق
بالفعل يسمو من سموّ الأصاله

جيتك وانا شاعر وللشعر أذواق
جيتك أشارك فرحتك يالسلاله

ادّيت واجب فيكم إخلاص قد فاق
جبل قتروي للوطن في بساله

كم طالبً دمعه من العين رقراق
على فراق استاذ للعلم طاله

لكن عسى تجمعكم ايام الأشواق
على مرابي الطيب في كل حاله

من بيشنا الخضراء لك ابيات في تاق
عبر التواصل نظم عقلي وحلاله

ماهي بنسخً لك ولافيها الصاق
عسى تجمّلنا معك في عُحاله

منك السموح كان ماحرفنا لاق
بسمو شخصً خاطري أعتنا له

ثم الصلاة على النبي عد الارزاق
المصفى محمد مؤدي الرساله